Retinol

Retinoli është një derivat i vitaminës A që konsiderohet një nga përbërësit më efektivë anti-aging. Nxit rinovimin qelizor, redukton rrudhat dhe vijat e imta, përmirëson teksturën e lëkurës dhe ndihmon në trajtimin e akneve.

Acid Hialuronik

Acidi hialuronik është një hidratues i fuqishëm natyral që mund të mbajë deri në 1000 herë peshën e tij në ujë. Thith lagështinë në shtresat e lëkurës, e bën lëkurën më të butë dhe më elastike, redukton shfaqjen e vijave të holla dhe krijon një barrierë mbrojtëse. I përshtatshëm për të gjitha llojet e lëkurave.

Vitamina C

Vitamina C është një antioksidant i fuqishëm që zbardh lëkurën, redukton pigmentimin dhe njollat e errëta, stimulon prodhimin e kolagjenit dhe mbron kundër dëmtimit nga radikalet e lira. Jep një shkëlqim natyral dhe ndihmë në parandalimin e plakjes së hershme të lëkurës.

Niacinamidet

Niacinamidi (Vitamina B3) është një përbërës multifunksional që rregullon prodhimin e vajit, minimizon poret, përmirëson ngjyrën e lëkurës dhe redukton inflamacionin. Përforcon barrierën mbrojtëse të lëkurës dhe është i përshtatshëm edhe për lëkurën e ndjeshme.

AHA (Alpha Hydroxy Acids)

AHA-të janë acide që eksfoliojnë shtresën e sipërme të lëkurës duke larguar qelizat e vdekura. Përmirësojnë teksturën e lëkurës, redukojnë pigmentimin, rrudhat dhe vijat e holla. Ideale për lëkurën e thatë dhe normale që ka nevojë për hidratim dhe shkëlqim.

BHA (Beta Hydroxy Acid)

BHA, kryesisht acidi salicilik, depërton thellë në pore për të pastruar dhe eksfoliuar nga brenda. Trajton aknet, pikët e zeza dhe poret e zgjeruara. Është veçanërisht efektiv për lëkurën e yndyrshme dhe të prirur ndaj akneve.

Acidi Azelaik

Acidi azelaik është një përbërës i butë por efektiv që lufton aknet dhe redukton hiperpigmentimin, dhe ka veti anti-inflamatore. I përshtatshëm për lëkurën e ndjeshme dhe ata që vuajnë nga rozacea ose aknet.

Ceramide

Ceramidet janë lipide natyrale që gjenden në lëkurë dhe përbëjnë 50% të barrierës mbrojtëse. Ripërtërijë dhe forcojnë barrierën e lëkurës, mbajnë lagështinë dhe mbrojnë nga irrituesit e jashtëm. Thelbësore për lëkurën e thatë, të ndjeshme ose të dëmtuar.

Kolagjeni Dhe Peptidet

Kolagjeni dhe peptidet janë proteina që kujdesen për strukturën e lëkurës dhe nxisin prodhimin natyral të kolagjenit. Përmirësojnë elasticitetin dhe qëndrueshmërinë e lëkurës, reduktojnë rrudhat dhe ndihmojnë në rigjenerimin e lëkurës. Ideale për trajtimin e rrudhave.

Oksidi I Zinkut

Oksidi i zinkut është një mbrojtës mineral i kundër rrezeve UV që reflekton rrezet e diellit larg lëkurës. Ka veti qetësuese dhe anti-inflamatore, i përshtatshëm për lëkurën e ndjeshme dhe të irrituar. Përdoret gjerësisht në kremra mbrojtës kundër diellit dhe produkte për bebe.

Skualani

Skualani është një emolient i lehtë që imiton vajrat natyrale të lëkurës. Hidraon pa bllokuar poret, përmirëson elasticitetin dhe e mban lëkurën më të butë. I përshtatshëm për të gjitha llojet e lëkurave, duke përfshirë edhe atë të ndjeshme dhe të prirur ndaj akneve.

Acidi Laktik

Acidi laktik është një AHA i butë që eksfolion në mënyrë delikate dhe hidraton lëkurën në të njëjtën kohë. Përmirëson teksturën e lëkurës dhe redukton hiperpigmentimin. Më i butë se acidet e tjera, ideale për lëkurën e ndjeshme që ka nevojë për eksfolim të lehtë.

Ektoina

Ektoina është një përbërës mbrojtës dhe anti-aging që mbron lëkurën nga stresorët e jashtëm si ndotja, rrezatimi UV dhe temperaturat ekstreme. Ka veti anti-inflamatore dhe hidratuese, stabilizon qelizat e lëkurës dhe parandalon plakjen e parakohshme.